| 今日關爺對賓菲加最有信心，雖然波圖已奪葡超冠軍，但賓菲加都要保住第二，以取得來季直接進身歐聯資格，佢近五次鬥科英布拉大學最少贏兩粒，呢次可直取「讓球主勝」。 現時葡超由賓菲加、士砵亭、甘馬雷斯及塞圖巴爾爭奪第二及第三，以取得來季歐聯資格。目前賓菲加雖然係聯賽「阿二」，但同第五塞圖巴爾僅差四分，如果流攤分分鐘跌番落。睇番之後賽程，佢仲要鬥波圖同塞圖巴爾，搶分有一定難度，今晚主場鬥弱旅「科大」已經係最好踢，必定落多兩錢肉緊求勝。賽績方面，賓菲加近季恰死科大，近五次交手最少贏兩粒，今場可再追。
 奧厄科隆信得過
另外推介兩場德乙，奧厄主場對凱沙羅頓，雙方都要為護級而拚搏，但論近況就以奧厄較佳，佢近三場攻入六球，而凱沙羅頓近兩仗就一粒都入唔到，呢次奧厄讓平半上盤可試。科隆作客柏達邦，雖然後者近期有反彈象，但上仗大敗予卡爾斯耶拿又現番形，科隆爭升班狀態勇，作客可照贏。 | 
