| 今時今日連日乙都有得玩，目前賽事處於季初階段，如果大家唔熟，只宜小注玩。蘇豪會主理埋日乙賽事，頭炮介紹福岡黃蜂，黃蜂目前由前西德名將列巴斯基領軍，三件澳洲外援演出對辦，今周主場對住升班馬ＦＣ岐阜，主Ｗ值得一試！（周六中午12時開賽） 日本球隊強弱旅之分，往往取決於外援質素，列巴斯基深明呢點，季前從澳洲聯賽引入三個袋鼠兵，包括守將魯丹、中場烏福達雷以及射手基夫斯，三人目前狀態甚佳，其中基夫斯已開齋，成球隊鋒線主力，加埋中村北斗及黑部光召等土炮，實力相當平均。 ＦＣ岐阜於○一年成立，兩年前仲踢緊地區聯賽，上季初上日本丙組聯賽，隨即取得第三位。會方甚具野心，決定升上日乙角逐，季前引入七位擁有日職經驗球員，實力得以大幅提升。 ＦＣ岐阜作客難睇好
岐阜季初演出不俗，上場逼和升班熱門廣島三箭，表現理想，但今次球隊造訪聯賽主場兩連勝黃蜂，肯定畀對手住攻，相信好難有作為。 | 
