| 歐聯去到四強階段，利物浦對車路士係正宗五五波，賽前好難話邊隊會佔優，勝負真係要睇臨場表現。入到四強，雙方肯定唔敢冒進，都會好小心去應付，所以就算細盤低開到1.42倍都要捧；而兩個和波波膽0:0及1:1，都值得跟進。 歐聯水準屬世界頂級，歐洲各大富豪球會各出奇謀、全力爭勝，難怪全球咁多擁躉，擔定仔等睇好戲。決賽兩隊都好緊張，通常戰情緊湊而不精彩，所以四強戰通常都好睇過決賽。近四季紅軍同車仔三次打入四強，仲咁要對碰，實在係冤家中冤家。雖然對上兩次利物浦都晉級，但去到咁高層次賽事，過去數據都信唔過，所以Peter唔認為車仔今次形勢輸蝕。 歐聯交手少波入
睇番雙方人腳、狀態、經驗、踢法絕對不相伯仲，車路士主帥格蘭雖普遍被認為不及紅軍頭賓尼迪斯，但利物浦老細經常搞風搞雨，亦難免影響將帥作戰心態。 Peter認為，英超Big4於歐聯對碰，邊隊都讓唔起，所以今場車仔受讓值得一試。而車路士作客勝算唔高，所以與其捧下盤，就不如直接買和波，0:0、1:1兩個波膽走唔甩。如果大家唔想咁冒險，就最好捧細盤，對上四次雙方於歐聯四強交手全部開細，今次應該唔會例外。 | 
