| 今日全世界都吼實歐聯大戰，關爺經常強調，此等大賽好睇唔好賭，是日真正重心，係亞冠盃大阪飛腳主場鬥墨爾本勝利，建議捧入球大。飛腳於小組三戰，兩次開「其他贏」波膽，淨係佢一隊入波，已經足夠開大，今次再戰墨爾本勝利，大盤有1.65倍回報好抵玩。（now 671周三下午6時直播） 亞冠盃分組賽打到一半，飛腳目前以七分位居G組榜首，領先第三勝利四分。因為榜首一隊先可出線，勝利如果想後來居上，呢次冇得諗作客都要求勝。佢後防一向漏洞多多，小組近兩戰共失七球，今場全軍谷上空位更多。
 上仗交鋒共入7球
飛腳晉級形勢一片大好，本來可以睇定食，但呢班波攻強於守，主場出擊又點會安守本分，唔喪攻就奇。雙方都入得又失得，上次交手就合共炮製七個入波，呢次入三球就達標，點會托手先！ 瑞典超方面，卡爾馬主場對希爾星堡，後者開咧成績雖然一般，但勝在軒歷拿臣壓陣攻力有保證，卡爾馬主場又入到波，吼大盤穩陣。相反另一場哈馬比主場鬥艾夫斯堡，客軍一向防守穩健，而主隊季初前鋒腳風未順，宜捧細盤。 | 
