| 美職聽朝將會上演獨腳戲，由FC達拉斯於主場迎戰新英倫革命，達拉斯開咧後連續同強隊交手，都仍然保持不敗，近兩仗更不約而同贏對手兩球，狀態甚弗；反觀革命表現不算突出，正所謂寧捧當頭起，Mic少建議要FC達拉斯上盤。（周五早上8時30分開賽） 論名氣，FC達拉斯或者唔及同屬西岸洛杉磯銀河同侯斯頓戴拿模，不過達拉斯勝在實而不華，近年都係西岸一支不可忽視雄師，球隊最大特色就係季初好快就上力，過去四季，有三季首四場聯賽可以保持不敗。今季踢過四輪之後，亦能夠取得兩勝兩和佳績，當中對手仲包括上季冠軍侯斯頓戴拿模，以及上仗作客擊敗於主場表現非常惡美國芝華士，可見達拉斯季初跑出，並非虛火。 新英倫革命表現飄忽
事實上，FC達拉斯近兩仗一開賽就向對手搶攻，近兩場都係開賽後僅五分鐘內就能夠打開紀錄，球員士氣同鬥心簡直一流。達拉斯陣中前鋒堅尼谷巴腳風極順，近三場聯賽射入四球，射手榜上僅落後洛杉磯銀河當路雲一球，有呢位猛將助陣，達拉斯真係唔愁冇波入。 新英倫革命雖然於首仗大勝侯斯頓戴拿模，報番上季總冠軍一敗之仇，但之後就好似已經完成任務，近期表現非常反覆，今仗要作客更加令人擔心，遇上氣勢如虹達拉斯，革命應該難逃一敗。 | 
