| 前晚皇馬對巴塞西班牙打，總入球有成五個咁多，好好睇咩？未算！早兩年前，地點同樣係巴拿貝球場，朗拿甸奴球王級表現，連皇馬球迷都畀佢感動到，為細哨神技鼓掌，兩年後被譽為新魯營皇帝美斯，一掂波就畀球迷喪噓，有冇差咁遠？ 其實球員同普通人一樣，事業梗會有起有跌，不過最大分別係好多球星風光完一沉不起，相反能夠走出低潮、尋獲第二春球員，卻少之又少。 之前呢個專欄度講過辛頓同施斯，佢由利物浦紅人變成後備、捱過斷腳重傷煎熬，然後先法甲馬賽獲得重生，心理質素之高可見一斑，仲有小小年紀已經歷盡滄桑莫路沙拉迪同卡雲拿基，都能夠走出卡塔爾同俄羅斯低谷，繼世青盃後再次綻放光芒。 論級數同人氣，上述球員，恐怕連朗拿甸奴一成都冇，但佢都能夠重新振作，點解細哨唔可以？心理質素唔夠強？被酒色財氣所迷惑？正所謂爛船都有三斤釘，細哨被清洗，一樣大把人爭，早前有消息傳出曼城班主他信想出手撬佢過檔。聽聞路蘭度比安基曼城曾經因為唔飲酒、唔蒲Club而被人杯葛，最終黯然回國，若果細哨肯紆尊降貴加盟，既可繼續出糧飲酒，又可為曼城帶一大筆賣波衫收入，一舉兩得。 當然，大前提係要朗拿甸奴「雄心不再」，呢單轉會先有機會實現。 | 
