| 雲雲以前有個大學師兄，話做做到三十五歲賺夠錢就退休，走去享受生活，佢成日鬧雲雲唔識享受人生，日做夜做冇停手，不過佢唔知道，雲雲就係一個熱愛工作人，享受完工作辛勞，再去用我血汗錢去換取Shopping樂趣，咁咪就係我生活囉！ 唔少人都話想趁後生賺夠錢就退休，好似祖雲達斯球星尼維特，日前就暗示話會日內宣布佢退休決定。雲雲一向都好鍾意呢位捷克球星，永遠都係球味十足，有跑不完氣力跑勻全場，但既然佢話覺得自己頭腦同身體都再應付唔到比賽，我都會尊重佢決定。不過，亦有人同雲雲一樣仍然好享受工作樂趣，好似AC米蘭球星卡富咁，唔少球迷都以為佢已經三十八歲，係時候退休，偏偏佢就再一次話明自己仲想踢波，就算意甲搶唔到正選，佢都唔排除去日本踢。 其實工作定退休，都係每個人自己決定，只要唔好好似巴塞隆拿球星朗拿甸奴咁，唔珍惜自己天賦同身體就得，近日竟然有消息話後生細仔佢，保養得唔好情況下，可能搞到要提早掛靴，如果佢真係咁不知自愛，就認真抵鬧囉！ Karen（雲雲） 職業：OL 嗜好：乜都 | 
