| 分心兩路戰線絕唔容易應付，不過如果你問安高，今晚意大利盃四強次回合卡坦尼亞主場對羅馬之戰，邊隊波可以同時兼顧聯賽同意盃，安高好相信羅馬肯定係佔先隊。羅馬首回合領先一球，今晚踢法肯定會採取擅長穩守突擊戰術，睇定食，贏波應該唔成問題，客勝可以捧！（now633台周五凌晨3:00直播）
 
羅馬要爭意甲冠軍，卡坦尼亞亦都要分心意甲護級，不過睇真，羅馬意甲爭標要寄望奇，事關佢要期望死敵國米最後兩場都失分，然後佢贏晒先有機會封王，換句話講，爭意盃反而會更加實際。至於話卡坦尼亞若然護級唔掂，經濟上肯定損失慘重，話晒要分心應付周日聯賽，佢今晚落到場未必會有最好發揮。 卡坦尼亞分神護級
事實上，羅馬首回合主場贏一比○，今鋪大可以等卡坦尼亞進攻，然後伺機反擊，反觀卡坦尼亞鋒力本來已經唔算強，依家仲話要打埋進攻足球，隨時偷雞唔到蝕把米。 卡坦尼亞練辛格話今場波必定會搏盡，不過睇番呢位頭領軍成績，自從四月上任開始，踢六場只得兩勝四負，睇落冇板斧帶領隊波反彈。既然卡坦尼亞攻守都唔掂，撞近況大勇，近五場取得四勝一和成績，上周日聯賽作客都炒森多三蛋羅馬，今鋪睇怕都冇乜能力反勝，求其好好睇睇唔好輸得多，已經還得神落啦！ | 
