| 英甲終於進入緊張刺激升班附加賽，今晚率先由聯賽第六修安聯主場對老三唐卡士打，由於賽事採取兩回合淘汰制，路西法估計雙方首回合交手，會較為小心穩陣，建議要入球細。（周六凌晨2時45分開賽） 可以打入升班附加賽球隊，實力大都非常接近，任何一隊贏波都唔出奇，估勝負不如玩大細。事實上，來到依家重要關頭，大家都唔想輸波而功虧一簣，踢附加賽猶如踢決賽，對賽雙方必然非常謹慎，特別係客軍心態上往往希望首回合不敗，等次回合返回主場，再向對手施以致命一擊。而且英甲升班附加賽並唔計算作客入球優惠，更加唔會刺激客軍入波意欲。只要其中一方有心死守，入波自然唔會多。 修軍主場連開七口細
再睇修安聯同唐卡士打近期表現，都係入波同失波偏少的球隊。其中修安聯近七次主場都係開細，所以切勿以為修安聯有主場之利而高估佢入波能力；至於唐卡士打近八場賽事亦有六場開細，加上雙方交戰往績上亦旺入球細，雙方近六次對賽，就有四次開細，所以今場路西法認為值得再追細。 | 
