瑞超主場威力強勁哈馬比，主場出戰新升班辛斯華爾真係坐定粒六，皆因上場辛斯華爾畀希爾星堡大炒三粒，就知佢應付甲組有餘，要踢瑞超就始終差，遇上上季主場屢有佳作哈馬比分分鐘又畀人大數一場，要「讓球主勝」喇！（開賽時間：周二凌晨1:00）
上季主場成績第2佳 哈馬比一直都係瑞超前列分子，全因為主場有穩定表現，好似上年佢主場十三場賽事，就贏足九場，主場成績排聯賽第二，簡直係正宗「地頭龍」，加上季前熱身賽演出亦不俗，對住一實力較低隊伍，好似加費萊同諾高平都贏兩粒或以上，今次迎戰「瑞超新丁」辛斯華爾又係上演入球騷時候！
