| 季尾揀波首重戰意，不過，有時候都唔可以瞌埋眼買波，若果某隊太聚飛讓到過晒火，咁就要諗過度過先出手。好似上周帕爾馬咁，臨場要讓到半一，個盤真係離晒譜，結果主場輸埋波，累到唔少人輸錢，所以真係要小心。 今日肥叔推介西甲波，華拉度列主場對住艾美利亞，主隊急需搶分護級，依家讓平半盤口合理，上盤值得捧場。華拉度列實力一般，要護級係意料中事，由於佢作客成績曳，搶分靠主場，今次面對艾美利亞，論實力肯定唔及對手，但戰意一定贏晒，相信可全取三分，捧上盤！（周日晚11時開賽） 另外，拿玻里季尾踢緊風流波，但係仍然愈踢愈有，上場對住帕爾馬被睇淡，結果作客爆冷贏埋。佢近期係咁贏盤，已經主場連下三城，今周對住錫耶納可以再贏。至於費倫天拿力保歐聯席位，雖然要兼顧歐洲足協盃，但係聯賽一定更緊，今次主場迎戰森多利亞，讓到半球都捧得過。
 馬賽為歐聯搶韁
法甲球隊馬賽亦爭緊歐聯席位，現階段基本上一分都不能失，今周球隊作客摩納哥，戰意十足，佢質素同經驗都贏晒對手，打真軍硬拚可秤先，今場平手盤亦可一試。 | 
