| 為公平起見，由本周起意甲所有賽事盡可能都安排周日晚九點舉行，球迷睇波就唔使捱夜。本周意甲停賽球員特別多，二十支球隊夾埋竟然多達二十七個球員坐波監，其中獨佔五人帕爾馬，今晚將作客里賈納，陣容殘成咁梗係捧1.8倍主W啦。（開賽時間：周日晚9:00） 有時少咁一兩件主力，筆者都唔想過分誇大，但好似帕爾馬咁，同時間有馬列加、費干尼、加斯巴朗尼、保羅卡斯度連尼同古圖五件主力停賽，都咪話唔大鑊，最慘係近況都唔係好，近九戰只係勝得一仗。對手里賈納雖然戰績亦唔突出，但近期主場都贏過森多利亞同祖雲達斯兩支前列球隊，面對冇一半主力帕爾馬，絕對係搶分黃金機會。 祖記炒得起拉素
拉素亦受到嚴重停賽問題困擾，達保、沙利以及列迪斯馬齊齊坐波監，雖然話晒都少帕爾馬兩件，但以上三位老兄都係中場球員，影響隨時更嚴重。對手祖雲達斯不單止冇人停賽，中場施素高更傷愈復出，再配合近期頻頻入波迪比亞路，有力炒起拉素，開出「讓球主勝」。（有線61周日晚9:00直播） 熱拿亞戰意可靠
上周意甲出現今季首個熱到出煙兩倍和波盤口，該仗就係馬會冇開盤錫耶納對熱拿亞，結果最終開出客勝，外國莊家跌晒眼鏡之餘，熱拿亞戰意亦值得尊重，今仗佢迎戰同樣有三名球員停賽安玻里，主勝可期。（now636台周日晚9:00直播） 混合過關 3x1
熱拿亞 Vs 安玻里 （主客和） 主勝2.00倍 祖雲達斯 Vs 拉素 （讓球主客和） 讓球主勝2.15倍 里賈納 Vs 帕爾馬 （主客和） 主勝1.80倍 3x1全中約7.7倍 | 
