| 近排少球迷打電話鬧拜仁慕尼黑，咁係咪表示大家對佢怨氣減少呢？拜仁季初就係威係勢，令人對佢做四冠王寄予厚望，點知季中表現下滑，球迷感情以及荷包都受傷，不過呢隊波近排強勢又好似返番喇！如果拜仁今晚贏波，領先優勢擴大，冠軍坐定粒六，所以今仗主場對史特加，小妹決定對拜仁投下信心一票。（有線足球台61周日晚11時直播） 東尼當弗要吼大
唔理聯賽抑或盃賽，小妹都覺得拜仁慕尼黑踢逆境波一流，佢反敗為勝比賽屢見不鮮。除因為球隊實力超班之外，可能亦有尾運啦！講拜仁球員，就不得不提意大利國腳東尼，佢德甲好輕鬆就入二十球，真係唔到你唔服。呢位射手仲好識做人，經常向傳媒大讚球會，幫拜仁省靚招牌，而且不時游說同鄉加盟，連公關都撈埋。 東尼早幾日足協盃因為累積黃牌停賽，球隊攻力即時受影響，結果和波收場，誇講句，依家拜仁真係唔可以冇東尼！好彩東尼今場可以披甲，養精蓄銳今場搏殺，相信拜仁強大攻力又會返番，除捧主勝，當然亦要吼實入球大啦！ 史特加防線穿窿
至於史特加今季作客表現未見突破，至今輸多贏少，四場聯賽作客勝仗都來自中下游球隊。球隊入幾多都唔夠填補後防錯失，加上防線主將兼隊長美拉今場因傷唔可以上陣，如此推論拜仁主場贏面好大！ | 
