| 機會一閃即逝，眨眼就錯過！瑞超南部打大戰今晚上演，戲碼係希爾星堡主場對馬模，論實力兩隊差唔遠，不過馬模有隊長丹尼爾安達臣缺陣，隨時搞到中場散晒，即使受讓平半都冇數，一於捧希爾星堡反彈開上盤！（開賽時間：周二凌晨2:00） 希爾星堡對上四場得兩和兩負，近六次南部打對馬模，又得一勝一和四負，瓣瓣唔數，但佢食胡射手軒歷拿臣，剛被選為英國歷來最成功外援NO.4，排名僅次於簡東拿、亨利同伯金，照計佢點都唔會願意，睇住希爾星堡一直走下坡，我有信心，佢會入波打救球隊！
 馬模隊長養傷缺陣
馬模開季四場有三勝四和，問題係瑞典國腳丹尼爾安達臣因傷避戰，大後備羅賓尼爾遜或會連累球隊輸波，要知道丹尼爾係馬模精神領袖，曾出席過○○年歐國盃、○二年同○六年世界盃決賽周，佢缺陣絕對唔係小事，希爾星堡錯過贏波機會就笨。 | 
