力奇捉得鬼盤多，間中都會疑神疑鬼揀錯盤，近排力奇成績麻麻，可以做就係畀多心機去揀，同埋暫時縮注，賭仔格言：「贏要谷，輸要縮！」大家都要記住記住。
講真今日冇乜好心水，比較有多少鬼盤味會係兩場西甲，其中馬略卡對桑坦德之戰，主場馬略卡依家位列中游，其實踢緊風流波，計鬥志應該輸晒畀排第五位、仲有得爭踢歐聯外圍賽客隊，偏偏依家盤口係主讓平半唔正路，我捧上盤。
華拉度列有蠱惑 另一場係華拉度列主場對艾美利亞，又係主讓平半。牌面睇，艾美利亞排緊第七，有機會爭踢歐協，近四場贏三場仲要係砌低西維爾同維拉利爾呢兩支勁旅，班波弗到震都受讓，唔係有鬼係乜？要知道華拉度列近兩場都係失分，依家仲為緊護級擔心，咁弱氣勢都讓波，點會冇？蠱惑盤梗係要上盤啦！
