| 今日推介「馬德里雙雄」。皇馬主場鬥畢爾包，全取三分就有機會提早奪聯賽冠軍，鬥心毋庸置疑，加上隊長魯爾同古迪出得番，可輕取對手。馬體會「四哥」位置仲未穩陣，為圓歐聯夢必搏，作客基達菲平手盤可捧。 兩隊之中，細鬼對「大佬」皇馬信心更大。目前已領先維拉利爾十分，聯賽尚餘五場，如果巴塞尋晚輸波（截稿前未知賽果），維拉利爾今晚又不敵貝迪斯，而皇馬又可主場打敗畢爾包，「銀河艦隊」就可提早奪得聯賽錦標。上仗有士哥隊長魯爾，雖然有傷在身，但今仗仍會上陣，而中場大將古迪坐完波監亦可復出，攻力唔使懷疑。 畢爾包降班壓力已減輕，皇馬近六次主場鬥畢爾包取得五勝，其中四次可贏兩粒或以上，今次可直取「讓球主勝」。（有線足球台61周一凌晨３時直播） 馬體會可勝基達菲
此外，馬體會本季改善以往飄忽不定毛病，長期保持穩定之下，目前居第四位，但近兩場聯賽僅取一分，只係領先桑坦德同西維爾一分及三分，聯賽剩番五輪，再唔振作隨時臨尾香。以馬體會規模，好應該係歐聯常客，佢都好想再重返歐聯舞台，依家趁陣中主力冇傷冇病，作客必大打真軍。「盃賽王」基達菲失落足協盃同西班牙盃之後冇晒目標，目前佢位列中游冇好爭，上仗竟然輸畀魚腩利雲特一比三，似乎散散。（有線球彩台64周日晚11時直播） | 
