| 日乙開埋之後，蘇豪被逐出英國版圖，蘇超地盤已經重返樂比手上。今日樂比哥分身不暇，小弟有機會客串分析場大戰，格拉斯哥市打戰又打到，些路迪主場再戰格拉斯哥流浪，趁流浪發緊四冠夢，些路迪可乘機踩油，聯賽發難，主場小讓平半，上盤捧得過！（now 825周日晚7時30分直播） 樂比仔接手蘇超第一擊，格拉斯哥市打戰推介些路迪得手，即時眉飛色舞兼也文也武。事隔十零日兩隊再碰頭，流浪形勢仲差，整定冇運行！流浪捧完蘇格蘭聯賽盃後，仲爭緊歐洲足協盃及蘇格蘭足總盃，計埋聯賽三線作戰，搞到傷疲交煎，門將麥基哥，中場基斯布基同麥高洛治傷晒，中場奇雲湯臣同古拿齊齊停賽，加上上周中足協盃已激戰費倫天拿，殘陣疲兵，點打呀！ 流浪傷疲交煎
些路迪目前打多流浪三場，但只領先兩分，如果想冕聯賽冠軍，今仗非勝不可。佢上周贏完鴨巴甸一直抖到依家，體力點計都贏晒對手。再者，今場守將卡達維同中場史葛布朗坐完波監復出，尼拿、軒基同希斯寧基已傷愈復操，據報連中場靈魂中村俊輔都會紮住上，擺明係精銳盡出全力搏殺。流浪緊周中仲要再對費倫天拿，踢足協盃次回合，有後顧之憂好難去盡，受讓平半都冇用，捧主隊啦！ 「梵高藝展」值得捧場
另外，今日沙田馬場亦有場一級賽女皇盃上演。香港，馬迷幾乎同賭仔畫上等號，不過蘇豪由細到大都鍾意睇馬，但欣賞多過落注，今年主隊隻「爆冷」連連征戰後似足流浪咁，「喜蓮福星」仲未真正硬撼年長馬，睇來睇去，日本代表「梵高藝展」確係熱得有道理，贏得有馬紀念賽，級數唔使多講，肯放棄當地一級大賽天皇賞春來港作戰，斷估唔會志在遊埠！ | 
