| 歐洲主流球季進入最後階段，近排大戶頻頻得手，周中德甲班霸拜仁慕尼黑反勝法蘭克福，大戶出擊狂掃上盤同大盤，結果成功雙贏。另外，史浩克04大炒科特布斯，佢同樣大豐收。季尾落注首重戰意，只要大家睇清形勢，命中機會自然提高。 今日肥叔重心場次係西甲賽事，尾三薩拉戈薩主場迎戰尾四維爾瓦，名副其實係正宗六分波，目前主隊讓到半球，水位明顯偏低，反映各界睇好佢贏得。其實講球會組織同人腳，薩拉戈薩絕對係西甲前列分子，依家淪落到要護級，真係失禮死人，不過，依家去到最後衝刺時刻，睇怕佢都冇得保留，主場對住維爾瓦贏面好高，上盤捧得過。（周日凌晨2時開賽）
 西布朗讓得起諾域治
另外，利物浦下周中要踢歐聯，依家球隊基本上穩坐「四哥」位置，必定將矛頭直指歐聯，今場作客富咸，預計會派出部分副選出戰。富咸護級戰意強，受讓半球抵玩，如果有平半盤玩仲好，因為主隊唔會求和，而係以三分為目標。英冠方面，西布朗正全力爭取升班，球隊近況全面回勇，今次作客諾域治要讓平半，足見大家對佢信心十足，呢場上盤亦可兼顧。 | 
