英冠經過上周連場大戰之後，三個降班名額已有兩個確定，反觀爭升班形勢方面仍然非常激烈，就算位處積分榜十名以外球隊，都仲有機會爭逐，包括Mic少今次重心推介卡迪夫城。
卡迪夫城近期人氣急升，皆因打入足總盃決賽，加上佢「威爾斯兵團」特殊身份，下季能否以英格蘭球隊身份參加歐洲賽，一度惹起爭議。作為球員，突然受到各界關注，踢起波上自然更為落力。
斯肯索普篤定降班 事實上，卡迪夫城除有望五月問鼎足總盃冠軍之外，目前仲有機會爭取升班附加賽資格，當然想好事成雙。而且卡迪夫城今晚對手只係已經篤定降班斯肯索普，相信佢都唔會阻人發達，以卡軍近九仗六勝三和佳績，贏波機會高唱入雲。
