| 美職已踢大半個月，邊隊最有霸氣暫時仲未有眉目，但今季重返聯盟聖荷西地震就擺明唔夠班，聽朝出戰科羅拉多急流，恐怕又要再輸一仗。至於最多人留意洛杉磯銀河，即使有碧咸在陣，但實力同地震都只係五十步笑百步，迎戰侯斯頓戴拿模一樣未許樂觀。 聖荷西地震過往美職有過唔少豐功偉績，但事隔幾季重返聯盟，就乜都要重新過，由於佢只能夠以失意軍人做骨幹，無論實力同默契都相當唔掂，開咧後兩連敗之餘，仲一球都未入過，認真係一級魚腩，今仗出戰開咧後三戰入七球急流，恐怕又要慘敗一場，「讓球主勝」值博。（開賽時間：周日早上9:30） 碧咸獨力 難救銀河
本來筆者就將FC多倫多同聖荷西地震列為同級魚腩，但上周洛杉磯銀河竟然主場都輸得畀多倫多，似乎呢隊由碧咸領軍西岸球隊，都只係金玉其外，敗絮其中。對手侯斯頓戴拿模雖然仲未開齋，但中北美洲冠軍盃四強出局之後，有望美職重現王者本色，話晒佢都係兩屆總冠軍，平手盤抵值捧場。（now633台周日早上10:30直播） 愛華頓周五不敵車路士之後，利物浦個四哥位置都相當穩陣，相信佢已經將矛頭直指下周中歐聯四強大戰，今晚出戰富咸估計又會盡出副選，仲記得上季同期，紅軍就曾經放生富咸，今晚兩軍再碰頭，受讓富咸仍然值得重視。（now898台周六晚10:00直播） 混合過關 3x1
富咸 Vs 利物浦 （讓球主客和） 讓球主勝1.72倍 科羅拉多急流 Vs 聖荷西地震 （讓球主客和） 讓球主勝2.50倍 洛杉磯銀河 Vs 侯斯頓戴拿模 （讓球：平手） 客勝1.96倍 3x1全中約8.4倍 | 
