| 大家知唔知羅馬球員最叻做乜？答案係割「禾」呀！唔講唔知，原來「雌狼」過去十五次主場對住利禾奴，竟然贏足十三次，今晚意甲再次迎戰贏到慣晒對手，數據已經利好。最重要係周中意大利盃，羅馬只係半力出擊，有心留力搏今鋪，以佢超班質素，要大勝唔難，羅馬「讓球主勝」穩如泰山！（now633台周日凌晨0:00直播） 羅馬意盃留力搏今鋪
事實上，羅馬目前意甲，只係落後榜首國米四分，緊仲有五輪聯賽，要後上封王其實都仲有機會，所以練史巴列堤周中意大利盃四強首回合對卡坦尼亞，竟然大膽咁收起中場迪羅斯、大比沙路同門將杜尼等主力，擺到明將全副精力集中應付聯賽，羅馬質素超班唔在講，今晚對利禾奴連戰意都咁旺盛，呢三分根本係志在必得，陰溝翻船機會實在少之又少！ 既然贏波機會高唱入雲，咁又會唔會大勝先？有項數據絕對畀到信心大家，就係羅馬過去十五次主場迎戰利禾奴，一共錄得十三勝一和一負成績，勝率達八成六之餘，近三次更加係淨勝兩至三球！最慘係利禾奴聯賽作客已經連輸五場，仲要連波都入唔到，今晚憑咩去報仇先？羅馬今晚贏少粒都唔制啦！ | 
