| 瑞典超今晚繼續開快車，關爺心水之選，首推辛斯華爾主場對卡爾馬，捧卡爾馬客勝。呢支上季聯賽亞軍今季開咧火速彈出，爭標決心十足，而今仗對手只係新升班辛斯華爾，卡爾馬更加冇理由失拖，客Ｗ有1.9倍抵博。 卡爾馬近年都係瑞典超爭標分子，上季僅以一分之微屈居於哥登堡之下，爭標功虧一簣。不過上季輸得唔抵，反而成為球隊爭勝動力，卡爾馬開季後四戰即取得三勝一和，將上季一肚怒氣轉化為動力。尤其是依家季初，關爺相信亦係卡爾馬最有火時間，要捧場就要趁早。
 辛斯華爾仲未夠班
 主隊辛斯華爾上仗取得大勝，不過對手係同屬升班馬隆斯基爾，並唔代表辛斯華爾水準足以瑞典超站穩陣腳。事實上，辛斯華爾早前面對希爾星堡、哈馬比同ＡＩＫ蘇納三支上季中游球隊，都要輸波收場，今仗遇上氣勢如虹，實力更強卡爾馬，再出現大敗情景並唔出奇。 另一支升班馬隆斯基爾同樣主場迎戰艾夫斯堡。隆斯基爾比辛斯華爾更不濟，開咧後四戰全敗只入一球，近三仗更係每場至少淨輸兩球，睇怕今場又成為對手分對象。最後梗係要講上季盟主哥登堡，佢主場威威頻大勝，不過作客就走晒樣，今仗到訪加爾斯存在暗湧，關爺寧願要受讓加爾斯「讓球主勝」。 | 
