拿仁外遊，樂比仔代筆一天。小弟一向係此欄忠實讀者，拿仁對電影、音樂及時裝涉獵甚廣，對愛情及人生觀又有精闢見解，每次睇完都獲益良多，可惜樂比仔係悶蛋一名，又冇拿仁咁博學多才、善解人意得到女性歡心，所以只能講番波。
英冠升班馬衝擊英超 尋日奧運聖火傳遞預演，樂比所住沙田區要封路，搞到唔方便，但樂比亦感到與有榮焉，不過作為本地波fans，最大心願係見到以全勝姿態稱霸丙組沙田早日升上甲組，到時同和富大埔上演新界打，肯定精彩。
英冠亦有「神奇球隊」布里斯托城，今季由英甲升上英冠一鳴驚人，有機會直接升班，今晚對史篤城「讓球客勝」好路。
