人話藝高人膽大，力奇藝唔高，但素來膽大，今日捉鬼揀兩隊勁旅做目標，實行要同法甲班霸里昂同英格蘭聯賽盃冠軍熱刺搞對抗。
法甲六連冠里昂今季表現稍微跌Watt，依家聯賽進入最後五輪，但榜首只係得四分優勢，想打風流波仲未可以，今晚佢作客尾二斯特拉斯堡，理論上應該係大屠殺好機會，之但係個客W竟然有1.75倍咁高，「讓球客勝」仲有3.2倍添，似乎筍過頭喎，不妨試一博「讓球主勝」啦！
韋根平手盤抵玩 另一場有鬼味賽事，就係英超韋根主場鬥熱刺，雖然話熱刺聯賽冇乜目標，但打風流波，相信都冇乜人信佢會輸得畀隊護級分子韋根？就算話韋根上星期踢得和車路士，都係實力有限之輩，依家做平手盤又係蠱蠱惑惑，我反而想博主隊喎。
