香港玩波，淨係大細同埋單雙都起碼食三成，我身邊唔少老友話不如過大海玩百家樂仲好。起碼人買閒十足買莊九七五，點都有個譜。但點解咁多人鍾意足球博彩呢？朋友偉哥仔就話波有得刨喎！睇賽績、賽前消息或者陣容就會知道邊隊贏。例如A隊有新贊助商，所以今場贏得。又或者見個讓球盤有蠱惑，所以今場輸得。
夠穩陣過關最正 巨高覺得，上述理據都係一廂情願諗法，但求落注時心安理得，完全冇諗過呢理由同勝負有乜直接關係。若果賭波有路捉，仲有邊個咁蠢去做莊畀錢你使。其實賭波某種程度上並無理論可言，你鍾意就可以落注，贏輸都只不過係幸運使然。今晚葡超開盤五場，其中利亞拿主場對士砵亭，巨高鍾意士砵亭「客勝」，賠率唔吸引但勝在較穩陣，要過關最。
