荷甲煞科日好戲連場，近況大勇川迪主場迎戰為護級搏命威廉二世，客隊近排打法有前冇後，雖然上星期爆冷贏飛燕諾，但今仗對住「魚生粥專家」川迪，主動搶攻冇好下場，博主勝2:1、3:2夠好分！
威廉二世有前冇後 威廉二世依家排尾四，今場失分話隨時畀迪加史卓普過頭，球隊近排為護級只攻不守瘋狂搶分，終於近四場聯賽搶到七分，入九球失七球，預計今仗會續用呢種戰術，入波一定陸續有，大波膽要留意。
不過，威廉二世呢招今場未必見效，事關川迪近況極佳，近七場聯賽六勝一和，唯一和波只係失分「一哥」燕豪芬身上。川迪目前主場四連勝，全部都係小勝一球，維迪斯、阿積士同川迪對攻，最終川迪先後贏4:3同2:1，開放式鬥攻正係川迪強項，今場一於博佢「大」火煲魚生粥！
