| 荷甲今晚煞科，上季榜首鬥到叮噹馬頭，部分球隊單Ｗ畀人到勁低，最終熱倒收場，令唔少捧場客損手。事實上，荷甲賽事本來透明度唔係太高，去到呢大堆頭時候，肯定有唔少人出搵食；睇番目前盤口，阿積士同海倫芬等球隊讓波過晒火位，大家自己執生！ 今晚肥叔繼續意甲搵食，今次睇中帕爾馬，呢隊護級專家形勢告急，今次主場面對踢緊風流波拿玻里係時候料，目前佢要讓到半一，照捧上盤！帕爾馬依家情況不妙，今場戰意唔使懷疑，現時好多莊家瘋狂壓低主Ｗ，賠率得番1.7倍以下；而讓波去到半一，只係部分博彩公司仲做緊半球盤，但無論點都好，呢場擺明讓得辣足見信心，絕對係全晚投注重心。
 皇馬讓平半有暗湧
卡利亞里季尾做意甲生神仙，下半季主場係咁贏盤，上場仲作客贏埋利禾奴，帶挈好多朋友執唔少。呢隊波依家踢起晒信心，今晚主場對住護級大敵安玻里唔會留手，現時佢小讓平半，必捧上盤！西甲方面，皇家馬德里依家已經放甩晒，現階段基本係等捧盃，今晚作客桑坦德唔易踢，到一分已經收貨，目前佢要作客讓平半，當然捧番對家啦！ | 
