路西法日前目擊一宗「手刀」傷人事件，Mic少畀人打一後，突然李小龍上身，唔望對方馬上使出一手刀，出手實在極快，肯定食過夜粥。平時Mic少斯斯文文唔多出聲，原來身懷絕世武功，見到位同事中一招後，成日返工吽吽，明顯有內傷象，以後對住Mic少都係恭恭敬敬，以免成為下個被劈對象。
力保歐聯資格 講起功夫，維拉利爾自然唔小，今晚佢主場迎戰華拉度列，「潛艇」目前排緊第三，極有機會參加下季歐聯，不過，依家一切仲未塵埃落定，都係小心好。球隊對上兩場作客輸波，連失六分之後，今次重返主場係時候反彈，以佢今季主場咁醒，要贏華拉度列並非難事，一於穩穩陣陣揀番主W！
