拿仁外遊未歸，繼續由樂比仔代筆。社會愈進步，選擇就愈多，十年前，幾個月先得場意甲直播，大家買定薯片杯麵，安坐家中睇波好興奮，一年一度英足盃，即使戲碼係溫布頓對盧頓亦睇到津津有味。物以罕為貴，陣時有直播睇好巴閉。
賭波要貴精不貴多 但今時今日，一日閒閒地十幾場直播，同時段四、五場好平常。睇邊場好？如果唔係某隊擁躉話，可能住個遙控四圍，結果睇得呢場，另一場又入波，用畫中畫，唔好玩啦？你估做看更睇閉路電視咩，賭波同睇波一樣道理，估中邊隊贏唔難，難在你會揀邊場買，同埋買幾多場。
賭波，最緊要貴精不貴多，心水中話一場就夠，今日推介瑞典超艾夫斯堡W。
