| 早前因大雨腰斬紐倫堡對禾夫斯堡，今晚會進行補賽，雖然紐倫堡賽事中斷前領先一球，但由於德甲賽制規定，重賽要由頭踢過，球迷難得有辦睇，梗係撐當時佔盡優勢紐倫堡再一次擊退對手，讓平半抵捧。（開賽時間：周日晚9:00） 講開重賽，不得不提季初李斯特城對森林英聯盃第二圈賽事，落後一球李斯特城因有球員心臟病發，賽事被迫腰斬，結果雙方重賽一役有一個秘密協定，李斯特城先送一球畀腰斬受害者森林。筆者重提舊事，唔係預知禾夫斯堡會有樣學樣，但事實上自從德國盃出局後，「狼堡」已經大打風流波，上場就將三分畀有降班壓力波琴，今仗再對榜尾紐倫堡，唔排除再送多一個順水人情。 意甲每逢季尾就特別多古靈精怪事發生，真係于Sir翻生都搞佢唔掂，雖然今個星期就有兩場冇開盤，不過仍有值得投注賽事，爭分護級卡利亞里戰意唔使懷疑，加上近期弗爆，近七次主場更取得五勝二和佳績，今晚迎戰近九仗僅得一勝護級主要對手安玻里，梗係要踩多一腳啦！（now635台周日晚9:00直播） 里爾近3場作客 僅入1球
最後推介法甲主場王馬賽，佢較早前歐協盃出局，法總又輸畀業餘球隊，仲以為會就此沉淪，但近期已經重新振作，三連勝之餘，更贏過榜首里昂，對住近三次作客僅入一球里爾，又係時候展示一下主場威力，主勝抵玩。（now826台及無收費電視26台周一凌晨2:55直播） 混合過關 3x1
卡利亞里 Vs 安玻里 （讓球：卡讓平半） 上盤1.78倍 紐倫堡 Vs 禾夫斯堡 （讓球：紐讓平半） 上盤1.84倍 馬賽 Vs 里爾 （主客和） 主勝1.70倍 3x1全中約5.6倍 | 
