| 挪超開番之後，超哥一直跟實呢個聯賽，依家將焦點集中過氣班霸洛辛堡身上，佢今時今日已經冇晒惡氣，變一隊攻強守弱球隊，開咧後三戰全部「大」晒，今晚作客華拉倫加未必贏得，但大盤夠晒穩陣！（周一凌晨2時開賽） 香港球迷對洛辛堡呢個名字絕對唔陌生，佢近年經常歐洲賽出現，雖然多數係魚腩，但總算有多少知名度。不過，呢支老牌球隊近年已失去領導地位，唔再好似早年咁話贏就贏。睇番開咧三戰過後，佢錄得一勝兩負劣績，上次主場出擊都輸畀費德列斯達，可見已經今不如昔。 洛軍攻強守弱三連大
不過，渣唔代表冇投注價值，依家洛辛堡攻強守弱，前面由射手尤索夫干尼擔正，加上科特迪瓦雙星耶高蘭同艾度查奧爾支援，火力冇問題。不過，洛辛堡條防線非常得人驚，三場波合共失六球，平均每場有兩個失球，今次對住鋒力不俗華拉倫加，雙方有望合演入球騷，開大機會高唱入雲。 睇埋同日另一場挪超賽事，阿里辛特主場迎戰咸卡（周一凌晨零時開賽），兩隊同樣連開兩場大盤，現時莊家已大幅壓低入球大賠率，壓到得1.5倍以下，部分博彩公司更索性將大細中位數調整到3.5球，反映呢場波開大機會好高，熱就熱，但係過關不妨拖番票。 | 
