| 點解今個星期絕大部分法甲波都改周日上演？原因係要遷就朗斯對巴黎聖日耳門法國聯賽盃決賽，兩隊雖然聯賽都陷於降班邊緣，但盃賽就鬼咁醒神，其中以聖日耳門晉級過程最有說服力，平手盤值得捧場。（開賽時間：周日凌晨4:00）聖日耳門今屆都算係盃賽專家，法聯盃加埋足總盃七場贏晒，今仗更加有射手保列達傷愈復出，可謂如虎添翼。至於朗斯方面，佢法總就晨早出局，法聯盃上圈更與勒芒苦戰至四比四，到加時先解決對手，說服力略嫌不足。 講到捧盃經驗，亦都以聖日耳門秤先，佢先後○四及○六年於法總揚威；而朗斯對上一次捧盃，已經係九九年事，今仗一於博聖日耳門贏波捧盃！ 布力般箭頭舟車勞頓
今晚英超策略，就係博雷丁同新特蘭兩隊護級球隊贏波上岸，其中以雷丁較有信心，上回已經講到佢近期無論死球、遠射同組織都相當得心應手，上仗就連中堅安達比基都省入兩粒，板斧相當之多。對手布力般一對射手麥卡菲同辛達告魯斯周中都去南非踢熱身賽，後者仲不幸傷出，舟車勞頓都幾難有好演出。（now633周六晚11:00直播） 韋斯咸上岸乏戰意
至於新特蘭方面，雖然近兩次主場都輸波，但遇上前列愛華頓同車路士，都算係敗不足據。對手韋斯咸上岸之後，近期大膽起用新秀，兩名十八歲小將湯健士同施亞斯都喜獲上陣機會，練兵心態相當明顯，遇上決心搶分新特蘭相信都唔介意送個順水人情。（now634周六晚上11:00直播） | 
