| 周中國際賽，由於歐洲區賽事大多為熱身賽，令亞洲區進行世界盃外圍賽更受矚目，肥叔當日心水本來係泰國，但臨場阿曼飛數卻相當驚人，以波論波，泰國主場一定唔驚阿曼，但呢隊波聲望一向唔多好，所以肥叔最終都決定買番轉頭，賭波除要睇實力，仲要兼顧其他瓣數，變數真係好大。
 伯明翰保頓值博
今日提供五場心水，其中三場係英超，而且都係護級球隊，季尾波戰意行先，護級球隊主場出擊，就晒肥叔「合尺」，其中伯明翰係平手盤，保頓仲要受讓，兩場都相當抵買，至於另一場新特蘭主場讓韋斯咸平半，咪見新特蘭要讓波就卻步，呢班波專打主場，對住冇好爭韋斯咸絕對贏得。 新特蘭今季主場成績唔錯，十五場贏七場，勝率接近一半，而所輸五場，都係排名前八球隊，即係曼聯、車路士、利物浦、愛華頓同布力般流浪，可見新特蘭主場對住中下游球隊，真係一都唔驚。韋斯咸依家排中游位置，唔使護級又冇好爭，作客戰意好容易鬆懈。 德甲則睇好卡爾斯魯厄，史浩克04下周中要踢歐聯，佢集中力已放下場波身上，今場仲要作客讓波，而且對住仲要主場有料到卡爾斯魯厄，捧下盤相當好路，至於另一支要參戰歐聯球隊巴塞隆拿，雖然佢同榜首皇馬距離已縮窄至四分，但巴塞近期聯賽作客表現真係唔多掂，近五場只贏過一場，今仗中立場踢一於要受讓半一貝迪斯。 | 
