| 今日英超有場護級生死戰，包尾大幡打比郡主場迎戰尾二富咸，One Sir認為富咸可以贏波搶三分，兼且踩多打比郡一腳。睇往績兩軍對賽旺和，但近仗表現同實力都係富咸稍佔優，今場開平手盤，捧富咸坐和望贏，最適宜喜歡穩健投資人士。（now 632周六晚11時直播） 度先交代兩軍一賽事數據，打比郡同富咸近三次對賽，三次都係打和。打比郡對上一次贏波係去年九月十七日一比○擊敗紐卡素，之後廿八場一場都未贏過，富咸最近一次贏波係三月十六日，即係兩個星期前。打比郡今季聯賽主場成績係一勝四和十負，富咸作客賽績係○勝六和九負。
 平手盤捧富咸補和
從數據分析，兩軍都各有缺點，不過一場比賽點都有個賽果，從近仗表現秤高低，當然係揀富咸。最難得係，今仗開平手盤，打比郡咁耐冇贏過，唔信佢呢鋪翻身，即是話今仗平手盤投資富咸最壞結果最多係走盤，唔使輸錢。 從策略性投資部署，如果有多資金，不妨投資富咸平手盤之餘，補番少少和波，例如買二百元平手盤，再補五十元和波，除非打比郡贏波，否則開和波同富咸贏兩瓣都有錢贏。 | 
