| 英超除榜首三頭馬車爭持激烈，榜尾一樣鬥得好精彩。目前排尾四伯明翰今晚主場迎戰曼城，曼城經過季初蜜月期，近期表現明顯回落，風流波心態遠遠比唔上要搶分護級伯明翰，主隊已累積四場主場不敗，平手盤可坐和望贏。（now 631周六晚11時直播） 單睇排名，曼城成績當然比伯明翰好，不過某程度上只係因為曼城季初搶夠分，佢近五場聯賽只贏過冇好爭熱刺，對住下游雷丁、韋根同保頓都贏唔到，風流波心態昭然若揭，同時呢五場比賽入面有四場入唔到波，似乎季中加盟馬華路禾尼仲未融入到球隊，進攻板斧唔算多。佢作客成績一向不及主場，十五場只得三勝，贏波率僅得兩成，絕對靠唔住。 博好分吼半場主勝
伯明翰目前只領先尾三保頓一分，護級形勢緊張，佢自知作客成績唔好，更加要好好把握主場機會搶分，戰意唔使懷疑，近四場主場不敗亦反映其威力。雖然前鋒麥法頓做膝部手術要休息三周，但對手一樣有後防主將米卡李察士同米高波爾倦勤，平手盤捧伯明翰可坐和望贏。另外伯明翰要搶分求勝心切，近三次主場都能上半場領先對手，如果想博好分頭，不妨小敲3.4倍「半場主勝」。 | 
