玩完周中戰意難測國際賽，返到各國聯賽應該係出擊好時候，不過我刨一陣，發現今日真正信心鬼盤真係冇乜幾多，正所謂忍一時風平浪靜，退一步海闊天空，今晚最多都係小注一試查爾頓上盤。
之前仲話有希望爭升班查爾頓，近排演出跌Watt，近九場聯賽只係得一勝四和四負，排名跌到落第十，就算話主場出擊，都畀唔到投注人信心。相反，佢今晚對手狼隊，近七場就到四勝兩和一負，排名跳升到第九位騎番住查爾頓，狀態同排名都贏晒，照計應該係秤先一隊，依家足智彩開盤反而係「查仔」讓平半，撞鬼（盤）喎！梗係要飲杯「查」定驚啦！
