路西法:卡素爾後上勢勁

英甲進入最後階段，榜首史雲斯雖然暫時領先次席卡素爾五分，但前者近況稍為飄忽，上仗亦好辛苦先至保住不敗搶番一分，相對地卡素爾就愈戰愈勇，早前分別擊敗唐卡士打及諾定咸森林兩支爭直接升班資格�鞲偁帉κ郑瑒蓊^相當強勁，加上比起史雲斯少踢一仗，路西法睇好卡素爾後上奪標。 

基寧咸主席被罰款 
 
講番今晚賽事，卡素爾將作客下游球隊基寧咸，雖然基寧咸仍要為護級而努力，但可惜球隊近況實在欠穩，近六仗輸足五場，如此表現難令人投以信心一票。另外主席保羅史卡利亦因季初期間買賣球員違規而被足總罰款，真係運勢都冇埋。卡素爾近況大勇，近十一仗贏九場，兼且要力追榜首，今場贏波難度唔高。