| 今晚西甲大戰，搶分護級貝迪斯，迎戰後上追緊皇馬爭聯賽冠軍巴塞隆拿，本來對巴塞講，呢場係失分危機幾大比賽；但由於貝迪斯球迷早前對畢爾包向場內掟樽仲傷人，令今場比賽改為馬體會主場卡達朗球場作賽，冇主場之利，貝迪斯仲憑咩對付谷番起巴塞先？一於捧客W！（有線61及廣東體育周日凌晨3:00直播） 無論貝迪斯方面點樣唔願意都好，呢場比賽都已經落實移師卡達朗球場進行，問題係睇番今季貝迪斯聯賽作客成績，竟然只係入過十球咁大把，一條以隊長桑尼圖摩蘭奴為首防線又唔多穩陣，差唔多每場平均失兩球，最弊係正、副選門將列卡度彭利拿同杜巴斯仲養緊傷，鐵李華士亦未夠狀態披甲，呢條天殘地缺防線，又點畀到人信心先？ 中立場作賽貝迪斯輸蝕
雖則話巴塞今季作客都唔係叻，但對家貝迪斯攻不銳守不穩，想中立場挑戰巴塞，始終都係非常困難。事關論陣容完整性，巴塞雖然繼續有奧利古亞、佐基拉、美斯仔同米列圖受傷缺陣，但伊度奧近期同小將保贊鋒線組合如魚得水，加上亨利快放落底，呢個新鐵三角絕對令人聞風喪膽。 計埋雙方近三季五次聯賽對碰，巴塞隆拿到三勝兩和，成績明顯佔晒上風，加上佢依家同皇馬只係相差四分，就算佢下周中歐聯作客史浩克，都應該唔會留力。今晚一於睇好佢可以把握踢中立場優勢，順順利利開個客W，令聯賽爭標再刺激啦！ 頂『占』筍盤
‧巴塞：客勝 | 
