| 今晚英超幾場賽事，對賽雙方實力半斤八，將鬥到難分難解，埋身肉搏廝殺一番，都可能打個和各得一分，故Peter決定為讀者推介一條和波五串廿六，呢五場分別係伯明翰、保頓、打比郡、樸茨茅夫同雷丁，希望可以幫到讀者贏番多少。 伯明翰主場鬥曼城，伯軍雖有主場之利，但曼城防守力不俗，雙方攻力唔算好，打和成數高。保頓主場對阿仙奴，後者近況曳，而且聯賽作客成日被恰死，再和。富咸作客打比郡，兩軍目前排包尾同尾二，呢次名副其實生死戰，雙方都唔想輸波被掟甩，又係和格。樸茨茅夫主場對韋根，主隊成副心神已經去晒足總盃賽事，聯賽定必放軟手腳，韋根仲要護級，作客有機會搶分，博埋和。雷丁主場有一定威力，布力般雖然實力秤先，但作客要贏唔易，都係和波啦！ 英格蘭望見曙光
英格蘭剛過去周中於國際熱身賽作客○比一不敵法國，雖然係輸波，但「三獅兵團」係向住正確方向走。卡比路雖然係名帥，但執時日尚短，冇可能一步登天。其「4411」戰術，其實好適合英軍現有人腳，奧雲走下坡，卡帥就搵朗尼打單箭頭，跟住就用謝拉特作前線支援，以解決「雙特」唔夾問題。卡比路明顯係想球隊打控球在腳戰術，所以推進比較緩慢，觀眾睇冇咁刺激，但搵得卡比路，就預唔會悅目，不過當班球員適應佢戰術，相信球隊成績一定有改善。 | 
