| 難得早兩星期拜仁慕尼黑輸畀科特布斯，小妹諗住漢堡有機會追上啦，話晒佢有個又靚仔又好波雲達華治在陣！點知漢堡唔爭氣，上周作客禾夫斯堡領先一球下最後被逼和。就係咁，畀拜仁將個距離拉番開到七分。今個禮拜我有線球彩台直播拜仁作客弱隊紐倫堡，呢場都係做觀眾好喇！心水反而係漢堡對比勒費爾德場，要漢堡「讓球勝」！（周六晚10時30分開賽） 雖然話畀拜仁拋離，但漢堡爭冠軍唔係冇機！向上望之餘，由於第二至第五位爭持激烈，漢堡都應該起碼保住個亞軍，一來聯賽阿二可以直接踢下屆歐聯，二來依家主要同佢爭亞軍隊，係足協盃踢佢出局利華古遜，試問又點可以連續兩個賽事都失威畀敵人！ 呢個禮拜漢堡會返主場比賽，對手只係排聯賽榜尾四、飽受降班威脅比勒費爾德。對手實在弱得緊要，而漢堡就有蘇連、哥連班捷文復出，漢堡要全袋三分，睇怕都應該冇乜難度。 比軍防線面目全非
雖然話漢堡中場仲有卡斯迪倫未傷好，不過相比之下，比勒費爾德條防線，真係殘多十幾倍。佢正選門將費南迪斯隻手仲未有耐好得番，後備夏恩只有繼續頂住；而球隊早有基比爾、蘭甘兩位傷兵，到最近連拉奧都傷埋！上場打和雲達不來梅，主要都係因為有主場，兼且不來梅本身狀態都有問題！睇埋比勒費爾德近六次對漢堡，非和則輸，今日改踢客場，隨時輸夠兩球埋單，開「讓球主勝」都唔出奇，呢鋪一於撐硬漢堡！ OL推介
OL推介： 漢 堡Vs比勒費爾德 （讓球主客和：讓球主勝） | 
