| 洛達同奈梅亨兩支正力爭歐協盃附加賽球隊，今晚會正面交鋒。兩隊近況迥異，奈梅亨愈戰愈勇，相反洛達一沉百踩，最慘仲有射手奧柏打柴，有主場亦靠唔住，一於捧「讓球客勝」！（開賽時間：周六凌晨2:30） 荷甲仲有三周就煞科，但之後會再踢附加賽爭下屆歐洲賽席位。上半季長期沉淪護級漩渦奈梅亨，踏入○八年後愈踢愈順，最近十場贏足八場，眨眼已經升上第十，今場只要贏波話，就可超越烏德勒支進入歐協盃附加賽範圍，無論狀態抑或戰意都值得秤先。 洛達連續6場失分
目前以四分領先奈梅亨，排第八洛達，同樣要為保住歐協盃附加賽一席而努力，之不過，佢近排射手奧柏同後防大將拿查比養傷下，連續六場聯賽失分，可見兩人對球隊有幾重要，今晚佢繼續倦勤下，莫講話要大勇奈梅亨身上搶一分，隨時連三分都保唔住，「讓球客勝」抵玩到極！
| 
