| 德乙周五晚照舊開盤三場，六隊球隊當中關爺最睇好賀芬咸。呢班波唔止要升上甲組咁簡單，仲講到明要贏埋聯賽冠軍。客隊爭勝決心大，作客應可輕取凱沙羅頓。而另外兩支要留意球隊分別係格雷特霍夫以及奧芬巴克。 賀芬咸得到大財團支持後，聯賽成績突飛猛進，來季極有可能升上德甲比賽。但球隊絕唔會因積分榜暫列第二而感滿足，事關高層將矛頭直指聯賽冠軍，球員仍需努力搶分。睇番積分榜形勢，賀芬咸只不過落後慕遜加柏四分，仲有機會從後趕上。今場對手凱沙羅頓實力唔高，近兩場對住奧斯納貝克以及奧芬巴克都贏唔到，士氣回落主場都信唔過。今場賀芬咸作客讓平半，上盤可多加留意。
Combo King
格雷特霍夫主場有火
另外格雷特霍夫對1860慕尼黑，前者勝在主場攻力十足，十三次聯賽主場取得二十六個入球。1860慕尼黑連輸兩場後氣勢回落，隨時受制於主隊強大火力，「主勝」有兩倍以上博得過。最後科布倫斯主場對奧芬巴克，「讓球客勝」係關爺最後推介。科布倫斯本身質素唔算高，奧芬巴克只要立定心腸死守，要逼和對手唔係難事。
| 
