今晚曼聯大戰阿仙奴英超冠軍前哨戰，「特首」一定係揀基斯坦奴朗拿度，無他！佢上周中歐聯冇出，依家狀態十足，唔捧佢等於同錢作對！
C朗今季有幾勁？相信唔使朱楓多講！要討論係，曼聯上周中歐聯冇出C朗，擺明留力今晚對阿仙奴一戰，依家C朗行運行到腳趾尾兼十足狀態，對住三鬥利物浦、踢到殘晒兵工廠，要先開紀錄絕對冇問題。
同晚英超利物浦對布力般流浪，費蘭度托利斯係紅軍今季主場首球王，熱捧冇壞；至於西甲皇家馬德里對梅西亞，皇馬贏面壓一，朱楓首選魯爾，冷選史奈達！
