| 正選門神施治再傷，後備門將古迪仙尼又打柴，車路士今晚要用第三門將希拉里奧把守大門的確令人擔心，但正所謂有危先有機，車仔為追趕曼聯，今仗勢必以攻代守，快刀斬亂麻解決作客蟲韋根，朱楓今場首選「主主」，次選「讓球主勝」！（now898台周二凌晨3:00直播） 車路士周中擊敗費倫巴治進身歐聯四強，可惜後備門將古迪仙尼卻比賽中因傷退下火線，由第三門將希拉里奧入替，但呢名葡萄牙門將其後卻屢救險球，成為車仔最後出線功臣之一。其實希拉里奧上季亦曾經試過施治同古迪仙尼缺陣下擔任正選，且有板有眼，今晚再次臨危受命絕對可以信賴。
 下半場勒住 玩「主主」仲好
再講，車仔今仗前線夫添出擊，林柏特、杜奧巴、波歷克全部可以上陣，睇番佢近八場有七場上半場已領先，就知佢幾進取，唔好唔記得車路士目前仲有機會後上趕過曼聯爭標，可預期格蘭今場將會以攻代守，盡快取得入波奠定勝局，由頭放到尾機會極大。 目前仍有降班威脅韋根，今場雖有米高布朗同古馬斯兩名中場雙雙刑滿復出，之不過呢支由布魯士領軍球隊今季作客成績奇曳，十七戰只得一勝四和十二負，勝率唔夠一成，當中仲有八次上半場已經落後，再加上近六次對車路士全部輸晒，睇怕今晚都係九死一生；只係考慮車仔三日後要對愛華頓，有機會下半場留力，所以朱楓今場首選車仔1.65倍「主主」，次選先揀同賠率「讓球主勝」！ | 
