力奇今日捉鬼總共揀兩場西甲波同意甲波，其中西甲華拉度列（左圖）對住當弗馬德里體育會，都係開平手盤，我會博主隊。至於意甲包尾大幡里賈納主場鬥森多利亞，主隊仲要係平手低水，都係鬼味十足，兩支主隊平手盤都抵博！
里賈納宜細注支持 馬體會依家西甲排第四，下季有機會踢歐聯，仲要係近四場聯賽贏三場，今晚雖然話作客出擊，但對手只不過係護級分子華拉度列，平手盤會唔會筍呢？講真，華拉度列實力當然唔及馬體會，但佢今季主場專勁旅，對住榜首三雄皇家馬德里、巴塞隆拿同西維爾共錄得兩勝一和，今鋪贏埋你馬體會有乜出奇先？
另外意甲第二十位里賈納鬥第六位森多，又做平手盤主隊低水，客隊近六場贏五場，睇格局鬼盤捧主隊數，不過力奇前個星期都中過招，安玻里主場平手輸畀森多，所以今場只宜細注。
