拿仁有「龜仙人」之稱，事關擂台經常雞仔注，故一直表現穩定，贏唔會贏得多，輸亦唔會輸入肉。四月剛過三分一，但已唔見三千分，手風確係唔順。不嬲專注投注英冠，呢個月瘋狂失手，只因英冠最近離晒譜，賽果超難捉。
「域治打」大得起 英冠不嬲鬼盤多，呢排仲隊隊行蠱惑，前列球隊輪流失分，有仲要輸鑊甘，睇到屈福特主場輸畀班士利○比三，就知情況幾咁嚴重。呢個非常時期，真係唔好鬥氣，忍一時風平浪靜，要玩都咪大注。
是日獨腳戲「域治打」，葉士域治主場鬥諾域治。諾域治近三場入八球，而葉士域治三場不勝，返主場亦會搏，大盤過2倍，可冷敲。
