| 英超「華麗對決」Kick Off！全英鋒力最強曼聯同阿仙奴今晚「夢劇院」奧脫福交鋒，兩隊向來以華麗進攻足球見稱，今場亦唔會吝嗇任何進攻機會，事關兵工廠要爭標非勝不可，畀車仔緊迫曼聯亦冇失分空間，冇人想見到兩敗俱傷和波局面，今場就睇C朗、朗尼、艾迪巴約、尹佩斯騷Quali，2.05倍「入球大」抵玩！（now632台周日晚11:00直播） 聯賽依家踢三十三輪，曼聯同阿仙奴合共就為球迷炮製一百三十三個入波，每隊平均每仗入兩球以上，成為球迷至愛絕對唔係冇原因。有人覺得班霸互撼一定先求穩陣，不過我可以話你知，曼聯今季聯賽四鬥「Big4」入八個波、阿仙奴聯賽同歐聯七戰「Big4」亦冇一場交白卷，足證呢兩隊波唔會「欺善怕惡」。
 阿仙奴落後6分 焗住攻
 阿仙奴上周中歐聯出局之後，英超已經成為唯一捧盃希望，不過佢目前落後曼聯六分，只有贏波先至可以保留呢個希望。雖然阿仙奴近十一場波只係得二勝七和二負，但慶幸係艾迪巴約重拾射門鞋，夥拍復任正選尹佩斯攻堅，火力夠晒，隱憂係防守中場法米尼受傷，睇怕今場都焗住要以攻為守。 曼聯雖然坐住龍頭寶座，但依家只領前車路士三分，之後仲要作客史丹福橋，所以和波絕對唔能夠收貨。C朗拿度同朗尼上周中歐聯抖夠，入球能力唔使懷疑，唯一擔心係尼曼查維迪養傷對後防影響，上星期就畀米杜士堡搞到風聲鶴唳下失兩球，呢場五五波勝負難料，唯獨多入球出現就好有保證！「入球大」好分過1.85倍主勝，當然要捧場啦！ | 
