要話賀芬咸係近期德乙最Sharp醒球隊真係一都唔過分，佢主場近況表現優異，聯賽連盃賽取得六連勝，憑住呢股氣勢要自己地頭搞掂亞琛唔難，唯一要注意係佢唔興半場入波，好多時都要下半場先料，今鋪要「和主」數！
睇狀態，賀芬咸絕對冇得頂，近十場聯賽就取得九勝一和成績，升班機會真係相當高。但係贏還贏，呢班波近期比賽都表現得頗為慢熱，尤其係主場賽事，過去三場都係開「和主」，上半場全部都只係同人踢成○比○，證明佢贏波冇問題，不過就難早開紀錄帶到尾。
亞琛近八場聯賽只取得兩勝，狀態麻麻，加上爭標冇份，護級又唔使騰，球員戰意成疑，對住如日方中賀芬咸唔似有得贏，咁當然係支持勢強賀芬咸喇！
