| 南美自由盃十六強首回合開戰，其中厄瓜多爾利加大學主場對阿根廷學生隊。雖然利加大學有地利之助，但厄瓜多爾足球水平偏低，去到大型賽事難免蝕底，關爺都係睇好學生隊「客W」。除南美自由盃之外，日本兩個級別聯賽亦都開快車。日職揀浦和紅鑽，日乙就鍾意福岡黃蜂。 南美自由盃一向都係由阿根廷球隊打晒骰，追住呢條攤路揀實冇錯。就好似今日主角學生隊，秋季聯賽愈踢愈精神，至今淨係輸過一場咁大把，上輪聯賽對住羅沙里奧中央更以三比一勝出。其實學生隊一九六八、六九及七○曾連贏三屆南美自由盃，但之後再未能重上南美一哥寶座，所以練辛仙尼以及星級球員華朗，今屆都好想為球隊重溫自由盃美夢，戰意毋須懷疑。對手利加大學雖然係當地名牌球隊之一，但厄瓜多爾足球水平低，人腳質素一定及唔上學生隊，單靠地利未必夠贏。 紅鑽黃蜂炒埋一碟
日職方面，浦和紅鑽主場對札幌岡薩多。浦和紅鑽季初三連敗之後，近期已回正軌，上輪作客大炒京都不死鳥四比○，射手高原直泰開齋兼梅開二度。紅鑽重拾強隊本色，「讓球主勝」值博。日乙福岡黃蜂主場對草津溫泉，福岡黃蜂對賽往績方面有優勢，「主勝」穩陣。 | 
