| 經過季初差劣演出後，史特加於季尾復甦，早前八場聯賽六勝二和，雖然上仗作客不敵利華古遜，但球隊總體狀態仍然唔錯，發揮咁穩定值得信賴。係人都知馬里奧高美斯係史特加取分之匙，上仗佢受傷唔出得，大大影響球隊攻力，今仗佢傷愈復出，史特加入波有保證。另外，雖然中場重炮希斯佩加因傷缺陣，但「墨西哥孖寶」柏維柏度同奧蘇里奧都可以候命上陣搏殺，陣容已經完整番。史特加主場威力勁到爆，本季主場聯賽得勝率超過七成，比拜仁慕尼黑仲犀利，呢次紐倫堡勢成炮灰。 紐倫堡被潑冷水
上場聯賽紐倫堡主場禾夫斯堡，但因為大雨中途腰斬比賽，雖然變相多幾日休息，但對球隊講未必係好事。之前紐倫堡贏波，終止十場聯賽不勝頹勢，本身諗住乘勢再度搶分，但天意弄人，一盆冷水照頭淋，半場領先一比○優勢就咁冇。呢次將打回原形，好有機會全失三分。 | 
